Të shtunën e 25 marsit mbushen 24 vjet nga masakrimi i dëshmorëve dhe martirëve në fshatrat Fortesë, Brestoc dhe Celinë të Komunës së Rahovecit.
Gjatë luftës së vitit 1999 në fshatin Fortesë janë vrarë nga forcat serbe 69 martirë, në Brestoc 5 dëshmorë dhe 49 martirë.
Ndërsa në fshatin Celinë gjatë kësaj periudhe janë vrarë 75 martirë.
Për të nderuar kujtimin e tyre, Komuna e Rahovecit do të bëjë homazhe në varrezat e dëshmorëve dhe martirëve në fshatin Brestoc në orën 10:00, pastaj në fshatin Fortesë në orën 11:00, si dhe në fshatin Celinë në orën 13:00.