Beteja e Llapushnikut ishte zhvilluar tri ditë me radhë dhe ishte njëra ndër betejat më të lavdishme të Ushtrisë Çlirimtare të Kosovës (UÇK).
24 vjet më parë në grykën e fshatit Llapushnik të Drenasit, ishte zhvilluar beteja ndërmjet forcave të UÇK-së dhe forcave okupuese serbe, e njohur si Beteja e Grykës së Llapushnikut.
Gryka e Llapushnikut është mbajtur e bllokuar për muaj me radhë, duke u mundësuar luftëtarëve të UÇK-së që të lëvizin të lirë në një pjesë të madhe të territorit të Kosovës dhe kjo ua mundësoi që të organizohej dhe të furnizohej me armatime, transmeton “Telegrafi”.
Lufta e zhvilluar në Grykën e Llapushnikut për kontrollin e kësaj zone, ka qenë më e rëndësishmja për Ushtrinë Çlirimtare të Kosovës, pasi e bënte të pakalueshme për forcat serbe rrugën Prishtinë – Pejë.
Në këtë betejë kishin rënë 47 dëshmorë dhe 54 martirë.