Një person është arrestuar në komunën e Zveçanit për posedim të paautorizuar të substancave narkotike dhe armëmbajtje pa leje.
Policia e Kosovës, në raportin 24-orësh, ka njoftuar se gjatë kontrollit në shtëpinë e të dyshuarit kanë gjetur dhe sekuestruar 14 fishekë, një peshore, 1 gram substanca të dyshuara narkotike të llojit marihuanë, 6 tableta të dyshuara ekstazi, dy telefona celularë dhe 14 riga, dëshmi të tjera dhe pajisje për prodhimin e kriptovalutave.
Pajisjet i janë dorëzuar doganës.
“Rr. Vllade Cetkovic Zveçan 04.02.2024 – 16:00. Është arrestuar i dyshuari mashkull kosovar, pasi që gjatë kontrollit në shtëpinë e tij kanë gjetur dhe sekuestruar 14 fishekë, një peshore, 1 gram substanca të dyshuara narkotike të llojit marihuanë, 6 tableta të dyshuara ekstazi, dy telefon celularë dhe 14 riga, dëshmi të tjera dhe pajisje për prodhimin e kriptovalutave të cilat pajisje i janë dorëzuar doganës”, thuhet në njoftimin e policisë.
Ndërsa, i dyshuari pas intervistimit, me urdhër të prokurorit, është liruar në procedurë të rregullt.