Pas aksionit të koduar ne enrin “TOTO” të ndërmarrë nga Policia e Kosovës, të enjtën e gjashtë tetorit, Prokuroria Themelore në Prizren, Departamenti i Krimeve të Rënda ka dhënë më shumë detaje.
Në aksionin “TOTO” janë arrestuar 13 të dyshuar, në mesin e tyre është edhe një zyrtar policor, lidhur me këtë rast janë kontrolluar 19 lokacione . Personat e arrestuar gjenden nën masën e ndalimit 48 orësh.
Prokuroria Themelore në Prizren ka njoftuar se brenda afatit ligjor për të njëjtit, do të kërkoj caktimin e masës së paraburgimit nga Gjykata Themelore në Prizren.
Të pandehurit e arrestuar dyshohet se kanë kryer veprat penale: “Organizimi i skemave piramidale dhe bixhozit të paligjshëm”, “Fajdeja”, “Keqpërdorimi i pozitës apo autoritetit zyrtar”, “Sulmi”, “Detyrimi”, “Mbajtja në pronësi, kontroll ose posedim të paautorizuar të armëve” nga neni 366 I Kodit Penal të Republikës së Kosovës (KPRK).
13 të arrestuar dhe mbi 55 mijë euro të konfiskuara nga operacioni i koduar me emrin “TOTO”