Paris Guri do të drejtojë Forumin Rinor të Lidhjes Demokratike të Kosovës (LDK).
Kështu kanë bërë të ditur burimet e Portalit Dukagjini brenda LDK-së.
Ai pritet të zgjedhet në krye të Forumit të LDK-së të premten e 14 tetorit.
Ndryshe, të mërkurën e 13 korrikut, janë mbajtur zgjedhjet për kryetaren e Forumit Gruas së Lidhjes Demokratike të Kosovës, ku në krye të saj është zgjedhur Jehona Lushaku.
Kreu i kësaj partie falënderoi drejtueset e deritashme të këtij forumi për angazhimin në sukseset e fundit të LDK-së.
Abdixhiku ka prezentuar formulën me të cilën LDK-ja do të ecë përpara që sipas tij kjo është vetëm atëherë kur burrat edhe gratë e partisë do të ecin përpara së bashku me vizionin rugovist.
Ish-kryetarja e Forumit të Gruas së LDK-së, Lirie Kajtazi, ka numruar kontributet e këtij organizimi partiak në ngritjen e çështjeve të barazisë gjinore ndërsa shprehu besimin se edhe udhëheqësia e re do të vazhdojë me të njëjtën rrugë.
Kuvendi i tetë zgjedhor i Forumit të Gruas vijoi punimet pa praninë e mediave.
Këtë kuvend zgjedhor e kanë përshëndetur edhe përfaqësues të partive dhe organizatave të tjera politike evropiane.