Ndeshja mes Bad News Eagles (BNE) dhe Sprout, do të zhvillohet të mërkurën e 19 tetorit, duke filluar nga ora 19:00, ku ekipi i cili humb do të eliminohet.
BNE ka humbur në ndeshjen ndaj ekipit 9INE, ditën e djeshme, por loja e sotme është një mundësi tjetër në “Lower Bracket”.
Kjo ndeshje pritet të jetë sfiduese për të dyja ekipet, pasi të dyja renditen në vendin e 24-të dhe 26-të në ranglistën botërore të CS:GO.
Ndërkaq, ndeshjen e fundit kur këto dy ekipe janë përballur, ekipi shqiptar Bad News Eagles e ka mposhtur ekipin Sprout në turneun “Elisa Invitational Fall”.