Presidenti i Maltës, George Vella, është duke qëndruar për vizitë zyrtare në Kosovë, me ftesë të presidentes, Vjosa Osmani.
Në njoftimin për media, është njoftuar se presidentja Osmani do të presë presidentin Vella me ceremoni shtetërore.
“Ceremonia e pritjes do të mbahet në sheshin ‘Ibrahim Rugova’ ku do të pritet me gardën ceremoniale në orën 10:00. Mediat do të marrin pamje në pritjen ceremoniale dhe në fillim të takimit, ndërsa më pas Presidentja Osmani dhe Presidenti Vella do të mbajnë konferencë për media”, thuhet në njoftim.
Po ashtu, presidenti Vella po merr pjesë në Forumin për Gratë, Paqen dhe Sigurinë, i cili po mbahet në Prishtinë.