WhatsApp është duke u përballur sërish me rënie globale sepse shumë përdorues janë duke raportuar probleme me dërgimin dhe marrjen e teksteve në aplikacion.
Një faqe interneti që kontrollon ndërprerjet në internet në të gjithë botën, Downdetector, ka thënë se numri i përdoruesve që raportojnë ndërprerjen e këtij aplikacion ka shënuar rritje të madhe në 30 mijë raporte.
Përdoruesit janë duke u ankuar se mesazhet e tyre nuk po dërgohen por dhe kur mesazhet dërgohen, aplikacioni nuk arrin të nënvizojë statusin e dorëzimit.
Zëdhënësi i kompanisë Meta i është përgjigjur revistës Business Today duke thënë se janë të vetëdijshëm se disa njerëz kanë probleme me dërgimin e mesazheve dhe janë duke punuar për të riaktivizuar WhatsApp sa më shpejt të jetë e mundur, transmeton “businesstoday”.
Përdoruesit e këtij aplikacioni po ankohen dhe për veçorinë e thirrjeve në WhatsApp duke thënë se aplikacioni nuk po kalon fazën e ‘thirrjes’ në fazën e ziles.
Kur janë raportuar ndërprerjet tjera të WhatsApp?
WhatsApp ka arritur në telefonat tanë në shkurtin e vitit 2009 dhe që nga viti 2021 ka dy miliardë përdorues aktivë mujorë.
Ndërprejet e WhatsApp kanë filluar që nga marsi i vitit 2019 kur Facebook, Instagram dhe WhatsApp u shkatërruan në atë që përshkruhej në atë kohë si “ndërprerja e tij më e keqe ndonjëherë”. Problemi u vendos në një ndryshim të konfigurimit të serverit.
Më 3 korrik 2019 përdoruesit raportuan probleme në Facebook, Instagram dhe WhatsApp, ku kishin vështirësi në marrjen e mesazheve dhe një zëdhënës i Facebook tha se një “operacion rutinë i mirëmbajtjes” ka shkaktuar aksidentalisht një defekt.
Ndërsa më 4 tetor 2021, ndërprerja më e madhe e Facebook i përfshin dhe aplikacionet tjera për shtatë orë dhe kjo përplasje erdhi pas një “përditësimi të prishur të serverit”, transmeton “thesun”.
Mes tjerash, më 5 tetor 2021, Downdetector ka regjistruar mijëra përdorues që raportojnë përsëri probleme me Facebook, Instagram dhe WhatsApp dhe më 14 dhjetor 2021, përdoruesit e iPhone kanë raportuar përsëri për probleme me WhatsApp.