Ministria e Shëndetësisë ka bërë të ditur se vaksinat kundër gripit sezonal kanë arritur në Kosovë, dhe duke filluar nga dita e hënë do të fillojë vaksinimi.
Ministria e Shëndetësisë dhe Instituti Kombëtar i Shëndetësisë Publike, u kanë bërë thirrje qytetarëve, sidomos personave më të moshuar dhe personave me sëmundje kronike, që të vaksinohen, pasi kjo vaksinë do t’i mbrojë ata nga gripi sezonal.
Tutje, Ministria e Shëndetësisë ka shtuar se vaksinimi kundër gripit sezonal mund të bëhet çdo ditë pune në njësitë e vaksinimit, në kuadër të Qendrave Kryesore të Mjekësisë familjare në çdo komunë.
MSh ka siguruar vaksina të mjaftueshme, dhe ka ftuar qytetarët që nga data 31 tetor e tutje të vaksinohen.
Njashtu, bashkëngjitur është edhe lista e Qendrave të vaksinimit kundër gripit sezonal dhe COVID-19, në komunat e Kosovës:
