Policia e Kosovës ka njoftuar se në Gjilan janë arrestuar tre persona të dyshuar për trafikim me njerëz.
“Si rezultat i hetimeve dhe veprimeve nga njësitet relevante , janë arrestuar tre të dyshuar meshkuj, dy shtetas të Shqipërisë dhe një kosovar, pasi dyshohet se të njëjtit kanë kryer veprën e lartcekur”, thuhet në raportin 24 orësh të Policisë.
Sipas njoftimit, në cilësi të provave materiale, janë gjetur dhe konfiskuar: një veturë, 2650 euro dhe tre telefona mobil.
Ndërkaq, me vendim të prokurorit të dyshuarit janë dërguar në mbajtje.