Kryeminstri i Kosovës, Albin Kurti, ka bërë të ditur se ka pasur një bisedë telefonike me Përfaqësuesin e lartë të BE-së për Punë të Jashtme dhe Siguri, Josep Borrell, të cilin e ka informuar në lidhje me ecurinë e qortimeve për makinat me targa ilegale.
“Nuk ka alternativë ndaj dialogut dhe institucioneve. Ia bëra me dije se nga 843 qortime të dhëna deri më tani nga policia për drejtuesit e makinave me targa ilegale, 0 incidente apo ankesa”, ka thënë Kurti.
Late evening in Kosova for me, late at night in UAE for him — a good call with HR/VP @JosepBorrellF. There is no alternative to dialogue & institutions. Informed him that, of 843 reprimands issued so far by police to drivers of cars with illegal plates, 0 incidents or complaints.
— Albin Kurti (@albinkurti) November 6, 2022
Ndërkaq, shefi i diplomacisë evropiane, Josep Borrell, përmes një deklarate i ka bërë thirrje Kosovës dhe Serbisë, që të përmbahen nga çdo veprim i njëanshëm, i cili mund të çojë në tensione të mëtejshme.
Ai për zhvillimet e fundit, në lidhje me çështjen e targave dhe bojkotimin e institucioneve të Kosovës nga Lista Serbe, ka thënë se këto zhvillime “i vënë në rrezik vitet e punës së palodhur dhe arritjet e arritura në kuadër të dialogut të ndërmjetësuar nga BE-ja, ndërmjet Beogradit dhe Prishtinës dhe pengojnë situatën e sigurisë në rajon dhe më gjerë”.
Borrell i kërkoi Kosovës që të zgjasë menjëherë procesin e riregjistrimit të automjeteve, duke e pezulluar kështu edhe vendimin për ndërshkimin e automjeteve me targa KM.