Ish-presidenti i Shteteve të Bashkuara të Amerikës (ShBA), Donald Trump ka shpallur zyrtarisht kandidaturën e tij për zgjedhjet presidenciale në vitin 2024.
“Rikthimi i Amerikës fillon pikërisht tani”, i është drejtuar Trump mbështetësve në resortin e tij, Mar-A-Lago, në Florida.
Njoftimi vjen një javë pas zgjedhjeve të mesmandatit në SHBA, të cilat përcaktojnë përbërjen e Dhomës së Përfaqësuesve dhe të Senatit amerikan.
Partia Republikane e Trumpit doli më keq seç pritej në këto zgjedhje dhe shumë prej kandidatëve që ai mbështeti, nuk arritën të fitonin.
Më 4 nëntor, Trump, ka paralajmëruar sërish për mundësinë e rikandidimit të tij për Shtëpinë e Bardhë, duke thënë se do ta bëjë “me shumë, shumë mundësi” në vitin 2024.
Demokratët ruajnë kontrollin e Senatit pas fitores në Nevada
Trump fitoi më së shumti vota sesa që kishte fituar ndokush ndonjëherë – 72 milionë – për një president në detyrë në vitin 2020, por megjithatë humbi ndaj kundërshtarit, Biden, një demokrat, i cili tërhoqi 81 milionë.
Ndërkaq, Biden – i cili bëri fushatë të enjten në New Mexico dhe Californi, thuhet se ka takuar këshilltarë të lartë për të planifikuar fushatën e tij të mundshme të rizgjedhjes në vitin 2024, duke krijuar një revansh të mundshëm me Trump.
Nga ana e tij, Trump ka paralajmëruar për muaj të tërë për një fushatë të tretë të mundshme për Shtëpinë e Bardhë.
Në tetor, ai ka thënë në një tubim në Teksas: “Me siguri do të më duhet ta bëj përsëri”. Në Pensilvani në shtator, ai ka thënë: “Mund të më duhet ta bëj përsëri”.
Ish-këshilltarja e lartë e Trump, Kellyanne Conway, ka thënë më herët të enjten në një ngjarje në Washington DC se ish-shefi i saj do të “lajmëronte së shpejti” për planet e tij të mundshme presidenciale.
Ajo ka thënë se i dha Trump-it shtytje për t’i rezistuar tundimit për të shpallur një kandidim në Shtëpinë e Bardhë tashmë këtë vit, pasi kjo do të kishte shpërqendruar nga kandidatët republikanë në mandatin e mesëm.
Nëse ai kandidon në vitin 2024, ai nuk mund të mbetet i padiskutueshëm brenda partisë së tij.
Rivalët e mundshëm republikanë përfshijnë, mes të tjerëve, ish-zëvendëspresidentin e Trump, Mike Pence dhe guvernatorin e Floridës, Ron DeSantis.
Ndryshe, më 9 gusht, prona e ish-presidentit Trump ishte bastisur nga Byroja Kombëtare e Hetimit, për shkak të dyshimeve se në atë pronë janë dërguar disa dokumente presidenciale.