Negociatorët kanë thënë se kanë arritur një marrëveshje të mundshme për çështjen më të mprehtë të bisedimeve të Kombeve të Bashkuara për klimën, krijimin e një fondi për kompensimin e kombeve të varfra që janë viktima të motit ekstrem.
Sipas Ministrit të Mjedisit të Maldiveve, Aminath Shauna, “ekziston një marrëveshje për humbjen dhe dëmin”, që është ajo që negociatorët e quajnë koncept.
Duhet ende të miratohet unanimisht në një votim më vonë gjatë së shtunës së 19 nëntorit. “Kjo do të thotë për vendet si e jona, ne do të kemi mozaikun e zgjidhjeve për të cilat ne kemi mbrojtur,” ka shtuar Shauna.
Ndërsa ministri i klimës i Zelandës së Re, James Shaw, është shprehur se si vendet e varfra që do t’i merrnin paratë ashtu edhe ato të pasura që do t’i jepnin janë në bordin e marrëveshjes së propozuar, raporton euronews.
Nëse miratohet, është një fitore e madhe për kombet më të varfra që kanë kërkuar kompensim, ndonjëherë të quajtur edhe dëmshpërblim, për dekada, sepse ata shpesh janë viktima të fatkeqësive klimatike pavarësisht se kanë kontribuar pak në ndotjen në mbarë globin.