Shtetet e Bashkuara të Amerikës (SHBA) kanë kërkuar nga Qeveria e Kosovës shtyrjen e vendimit për gjobat për 48 orë.
Në një deklaratë të ambasadorit të SHBA-ve në Prishtinë, Jeffrey M. Hovenier thuhet se SHBA-të ”janë të shqetësuara se liderët e Kosovës dhe Serbisë nuk arritën sot të arrijnë marrëveshje për zgjidhjen e krizës aktuale në Kosovë”.
”Ne kemi kërkuar nga Qeveria e Kosovës që të shtyjë për 48 orë vendosjen e gjobave për t’i lejuar BE-së dhe Shteteve të Bashkuara të angazhojnë më tej palët për të gjetur një zgjidhje”, thuhet në deklaratë.
Gjithashtu edhe Sekretari i Përgjithshëm i NATO-s, Jens Stoltenberg, është shprehur i zhgënjyer për mos arritjen e një marrëveshje për çështjen e targave midis Kosovës dhe Serbisë.
Me anë të një postimi në Twitter, Stoltenberg ka thënë se koha është për përgjegjësi dhe zgjidhje pragmatike. Ai ka thënë se të dy palët duhet të shmangin përshkallëzimin e situatës.
Spoke to @JosepBorrellF. We are disappointed that it was not possible to solve the licence plate dispute. Now is the time for responsibility & pragmatic solutions. Escalation must be avoided. @NATO_KFOR remains vigilant.
— Jens Stoltenberg (@jensstoltenberg) November 21, 2022