Ministria e Punëve të Brendshme (MPB) ka njoftuar se për nder të 28 nëntorit që shënon ditën e pavarësisë së Shqipërisë kjo datë do të jetë ditë pushimi, pra e hëna e javës së ardhshme.
Një vendim i tillë sipas MPB-së bazohet në Ligjin Nr. 03/ L-064 për Festat Zyrtare në Republikën e Kosovës.
“Të nderuar/a nëpunës/e të Administratës Publike të Republikës së Kosovës, duke u bazuar në Ligjin Nr. 03/L-064 për Festat Zyrtare në Republikën e Kosovës, ju njoftojmë se për nder të Festës së 28 Nëntorit, dita e hënë 28 nëntor 2022, do të jetë ditë pushimi” – thuhet në njoftimin e Ministrisë së Punëve të Brendshme dhe Administratës.
Tutje, MPB në njoftim ka uruar për festën e pavarësisë së Shqipërisë.
“Urime 28 Nëntori!”, ka përfunduar MPB.
