Një person ka vdekur dhe një tjetër është lënduar si pasojë e një vetaksidenti, në autostradën “Ibrahim Rugova”.
Policia ka konfirmuar se ngjarja ka ndodhur të mërkurën e njëzet prillit, rreth orës 11:25. Ekipet policore kanë dalë menjëherë në vendin e ngjarjes dhe i kanë ndërmarrë masat e duhura.
“Sot, rreth orës 11:25 në autostradën “Ibrahim Rugova”, në kilometrin e 10-të është raportuar se ka ndodhur një aksident trafiku- vetaksident, ku si pasojë dyshohet se një person ka humbur jetën, kurse një person tjetër ka pësuar lëndime trupore. Njësitet relevante policore i janë përgjigjur vendit të ngjarjes dhe kanë ndërmarrë të gjitha veprimet e nevojshme policore”, ka thënë zëdhënësi i Policisë së Kosovës, Baki Kelani
Policia ka apeluar te të gjithë drejtuesit e automjeteve që të kenë kujdes, dhe t’i respektojnë rregullat e trafikut, sidomos ato të shpejtësisë.