Kryetari i Partisë Demokratike të Kosovës (PDK), Memli Krasniqi, ka thënë se nuk e ka të qartë pse po vonohet një proces ka i rëndësishëm për sistemin e drejtësisë, si procesi i vettingut.
Ai madje tha se propozimet e partisë së tij janë marrë parasysh, madje tha se edhe kryeministrit i kanë dhënë përkrahej për këtë proces.
“Procesi i vetingut duhet të ndodh. Ne e kemi mbështetur qysh moti. Unë e kam takuar kryeministrin dhe i kam dhënë mbështetje për një proces që duhet të ndodh në Kuvendin e Kosovës. Propozimet që i kemi dhënë si Parti Demokratike e Kosovës janë mirëkuptuar dhe janë pranuar dhe sot dosja e vetingutt gjendet në Kuvendin e Kosovës”.
Ai tha se nuk po e kupton se pse po vonohet dhe po hezitohet të niset vettingu, por sipas Krasniqit një gjë e tillë duhet të ndodhë në një proces të strukturuar legal .
“Unë nuk e kam të qartë pse po vonohen dhe pse po hezitojnë të nisin këtë proces. Vettingu është proces që mund të bëjë dallimin e ta luftojë inefikasitetin pse jo edhe kompetencën”.“Por një gjë e tillë duhet të ndodh në një proces të strukturuar legal, Kushtetues siç e kemi propozuar përmes vettingut në Kuvendin e Kosovës jo me masa të tjera të cilat e ndikojnë pavarësinë e sistemit të drejtësisë”, ka thënë Krasniqi për EO.