Emisioni “Super TrenD” çdo javë sjellë në studion e Radio Dukagjinit artistë të rinj me shumë talent e të përkushtuar për muzikë.
Kësaj radhe e ftuar në emisionin “Super TrenD” me Drilonën dhe Mirdonin ishte artistja me një zë shumë të veçantë, Urata Gashi.
Gashi pati një interpretim fantastik live në studion e Radio Dukagjinit, e shoqëruar nga kitara.
Ajo ka deklaruar se muzika është përqëndrimi i vetëm i saj, dhe se jeton nga ajo. Mirëpo shton se pa përkrahjen e familjes kjo nuk do të ishte e mundur.
Gashi si një artiste e re deklaron se mundësia më e mirë që artistët e rinj të kenë përfitime janë ahengjet dhe dasmat, për të cilat deklaron se edhe ajo është e angazhuar.
Urata pos ahengjeve e dasmave është shumë aktive me pjesëmarrje edhe në festivale të ndryshme.
Risi nga Urata do të kemi pjesëmarrjen e saj në një koncert që pritet të mbahet nga artisti i mirënjohur Sinan Vllasaliu, ku Gashi do të jetë e pranishme si back vokaliste.
Gashi po ashtu do te marrë pjesë në festivalin Nota Fest në Maqedoninë e Veriut me 22 dhjetor, me një këngë rock baladë e cila do të jetë duet.