Është nënshkruar marrëveshja e financimit me vlerë prej mbi 100 milionë euro për zbatimin e projekteve për Trajtimin e Ujërave të Zeza dhe Menaxhimin e Mbetjeve të Ngurta me KFW-në dhe BE-në, ka bërë të ditur Ministrja e Ekonomisë, Artane Rizvanolli.
Përmes një postimi në Facebook, Rizvanolli ka treguar se çfarë do të përfitojnë qytetarët e Kosovës nga nënshkrimi i kësaj marrëveshjeje.
“Së bashku me Ministrat Hekuran Murati dhe Liburn Aliu sapo nënshkruam marrëveshjen e financimit me vlerë prej mbi 100 milionë euro për zbatimin e projekteve për Trajtimin e Ujërave të Zeza dhe Menaxhimin e Mbetjeve të Ngurta me KfW-në dhe BE-në!
Nga kjo, qytetarët e Kosovës përfitojnë:
– Ndërtimin e linjave të ujërave të zeza
-Rehabilitimin e rrjeteve të ujërave të zeza
-Rehabilitimin e sistemit të ndarjes së ujërave të stuhive
-Zgjerimin dhe rehabilitimin e deponive
-Zgjerimin dhe rehabilitimin e stacioneve të transferimit të mbeturinave të ngurta”, ka shkruar Rizvanolli.