Kampioni në fuqi i NBA-së, Milwaukee Bucks, është befasuar në shtëpi nga Chicago Bulls. Këta të fundit, fituan me rezultat 114-110, duke u barazuar serinë e Play Off-it, në 1-1.
Shkëlqeu në këtë ballafaqim, lojtari i Chicago-s, DeMar DeRozan, me plotë 41 pikë të shënuara.
Tek skuadra nikoqire nuk mjaftoi loja e mirë e Giannis Antetokounmpo, me double-double prej 33 pikëve e 18 kërcimeve.
Boston Celtics, e ka dërguar në 2-0, serinë e finaleve të Play Off-it, përballë Brooklyn Nets. Në “TD Garden” të Boston, vendësit fituan me shifrat 114-107.
Përmbysja e rezultatit nga Boston Celtics, ndodhi në pjesën e dytë, pasi ajo e para i takoi mysafirëve të Nets.
Koshashënuesi më i mirë i Celtics në këtë sfidë ishte, Jaleyn Brown, me 22 pikë.
Një hap larg kalimit tutje është skuadra e Philadelphia 76ers, e cila dërgoi në 3-0 serinë e Play Off-it, ndaj Toronto Raptors.
76ers, arriti triumf dramatik në sekondat e fundit të ndeshjes, me tre pikëshin e Joel Embiid.
Më poshtë edhe sekuencat me aksionet më të mira në tri ndeshjet e NBA.