Qeveria e Kosovës të martën e 13 dhjetorit pritet të mbajë mbledhjen e radhës duke filluar nga ora 10:00.
“Mbahet mbledhja e Qeverisë së Kosovës. VENDI: Ndërtesa e Qeverisë. KOHA: 10:00”, thuhet në njoftimin e Zyrës së Kryeministrit.
Në rend dite do të jenë 28 pika, ku në mesin e tyre pritet të shqyrtohet edhe kërkesa për ndarjen e mjeteve buxhetore për zbatimin e masës 3.7 për tejkalimin e krizës energjetike, në kuadër të Pakos për Ringjallje Ekonomike.
Po ashtu, në rend dite është edhe shqyrtimi i nismës për negocimin e Marrëveshjes Ndërkombëtare ndërmjet BE-së dhe Kosovës, për pjesëmarrjen e Kosovës në programin e Bashkimit “Drejtësia”.
Ndër të tjera, do të jetë edhe shqyrtimi i draftit të Planit Kombëtar të Veprimit 2023-2025 për Partneritetin për Qeverisje të Hapur.