Me 62 vota për asnjë kundër e asnjë abstenim, është miratuar projektligjit për Vlerësimin e Ndikimit në Mjedis.
Pas miratimit, ministri i Infrastrukturë, Liburn Aliu, ka thënë se ky ligj është përgatitur në konsultim me të gjithë akterët.
Sipas tij, ky ligj synon parandalimin dhe zvogëlimin e ndikimeve negative të projekteve publike dhe private.
“Qëllimi i këtij ligji është përcaktimi i rregullave dhe procedurave të identifikimit dhe vlerësimit të ndikimeve të projekteve dhe aktiviteteve të ndryshme në mjedis, parandalimi dhe zvogëlimi i ndikimeve negative të projekteve publike dhe private, si dhe përcaktimi i procedurave administrative gjatë procesit të vendimmarrjes për pajisjen me pëlqim mjedisor”, ka thënë ai.
“Ligji është përgatitur në konsultim të rregullt me të gjithë akterët, në veçanti në koordinim me Sekretariatin e Komunitetit të Energjisë, në mënyrë që të kemi transpozim të Direktivës së re të amandementuar të BE-së për VNM. Përmes këtij ligji synojmë edhe një kontroll të shtruar për raporte kualitative për VNM nga të licencuar adekuat për studime të hollësishme.