ShBA-ja planifikon 45 miliardë dollarë ndihmë për Ukrainën

Shtetet e Bashkuara të Amerikës planifikojnë të bëjnë ndihmë urgjente për Ukrainën, ku përfshihen rreth 45 miliardë dollarë

Presidenti amerikan, Joe Biden. Fotografi ilustruese.

Ligjvënësit amerikanë prezantuan më 20 dhjetor një projektligj, ku në paketën e shpenzimeve prej 1.7 trilionë dollarësh, përfshihen rreth 45 miliardë dollarë ndihmë urgjente për Ukrainën.

Nëse projektligji miratohet, kjo do të ishte ndihma më e madhe amerikane për ukrainasit. Votimi pritet të bëhet para mesnatës së 23 dhjetorit, sipas kohës lokale, raporton REL.

Presidenti amerikan, Joe Biden, i kishte kërkuar Kongresit në nëntor, që të sigurojë më shumë se 37 miliardë dollarë ndihmë urgjente për këtë shtet.

Dhjetori është koha kur Kongresi amerikan ndan buxhetin për vitin pasues, dhe nëse kërkesa për ndihmë aprovohet, ajo do të jetë pjesë e paketës për mbështetjen e Qeverisë ukrainase deri në shtatorin e vitit 2023.

Në fillim të nëntorit, SHBA-ja tha se do të dërgojë në Ukrainë ndihmë të re ushtarake në vlerë prej 400 milionë dollarësh.

Pothuajse dyfishi i kësaj shume, 725 milionë dollarë, ishte ndihma që iu dha Ukrainës nga SHBA-ja në fillim të tetorit.

Në po këtë muaj, NATO njoftoi se do të dërgojë sisteme të reja të mbrojtjes ajrore dhe ndihmë tjetër ushtarake për Ukrainën, në mënyrë që Kievi të mbrohet nga sulmet ajrore ruse që po godasin të gjithë vendin.

Në Ukrainë luftimet e ashpra po vazhdojnë në Donjeck, teksa forcat ruse vazhduan sulmet e tyre në lindje.

Presidenti i Ukrainës, Volodymyr Zelensky, do të qëndrojë në Uashington të mërkurën për t’u takuar me presidentin Joe Biden.

Ky është udhëtimi i tij i parë jashtë vendit, qëkur nisi pushtimi rus në shkurt.

Pushtimi i paprovokuar rus i Ukrainës ka kaluar ditën e 300-të.

Shija e redaktorit

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Shtëpia botuese “Dukagjini” propozon 9 libra që mund t’ju shoqërojnë...

Vera nuk është vetëm koha e pushimeve, por edhe e rikthimit te vetja. Në këtë periudhë kur ditët janë më të gjata e ritmi...

Pas raportimit të Dukagjinit, 3 donatorë i dalin në ndihmë...

Gjendjes së rënduar të familjes Krasniqi në Llukar e për të cilën raportoi ditë më parë Dukagjini, i kanë dal në ndihmë disa qytetarë...

Të fundit nga rubrika