Ish-kryeministri i Kosovës, Avdullah Hoti, ka reaguar në rrjetin social duke i thënë se krerëve të shteti se janë duke u mburrur në Prishtinë para mediave dhe FSK-së, ndërsa në të njëjtë kohë ata i kërkojnë KFOR-it që ta largojnë barrikadave në katër komunat veriore të Kosovës.
“Barrikadat i largojnë të huajt, ju mbani konferenca për media në Prishtinë e fjalime para FSK-së”, ka shkruar Hoti në rrjetin e tij social Facebook.
“Shani edhe gjyqësorin e prokurorinë sa të mundeni, shpallini tradhëtarë. Por të arrestuarit nuk ishit në gjendje t’i ofronit ndihmën e nevojshme mjekësore dhe ta sillnit në objektin e paraburgimit”, ka shtuar ai.
“Ju nuk jeni për asgjë. Ju nuk dini të mbani shtet. Ju dini vetëm të shani”, ka përfunduar Hoti.