Zjarr në një hotel në Kamboxhia, raportohet për së paku 11 të vdekur

Autoritetet bëjnë të ditur se rreth 700 qytetarë tajlandezë u shpëtuan dhe u dërguan në spitalet në Tajlandë

Zjarri përfshin hotelin dhe kazinonë Grand Diamond City në Poipet, Kamboxhia më 28 dhjetor 2022

Të paktën 11 persona kanë humbur jetën si shkak i një zjarri në një hotel në Kamboxhia.

Ekipet e shpëtimit kanë thënë se të paktën 11 njerëz mbeten të vrarë, por numri i të vdekurve pritej të rritet edhe më shumë nga zjarri në hotelin dhe kazinonën “Grand Diamond City” në Poipet, i cili kufizohet me Tajlandën.

Patcharin Thaenthong, udhëheqës i një ekipi shpëtimi tajlandez, i cili iu përgjigj thirrjeve emergjente nga autoritetet kamboxhiane, tha se disa nga viktimat duket se kishin vdekur nga thithja e tymit.

“Kur mbërritëm, nuk mundëm të hynim sepse zjarri kishte pushtuar tashmë (shumicën e) ndërtesave,” tha ai, transmeton CNN.

Rreth 700 qytetarë tajlandezë u shpëtuan dhe u dërguan në spitalet në Tajlandë, sipas autoriteteve.

Peerapan Srisakorn, nga Fondacioni i Shpëtimit Aranyaprathet, tha se pa njerëz që hidheshin nga ndërtesat e djegura.

“Dy persona vdiqën menjëherë kur u goditën në tokë dhe rreth katër deri në pesë (të tjerë) thyen këmbët,” tha ai.

Disa video treguan punëtorët e shpëtimit me helmeta dhe pajisje mbrojtëse që ecnin nëpër korridoret e mbushura me tym. Peerapan tha se ai pa të paktën nëntë trupa të tjerë brenda ndërtesave.

Ai dyshon se zjarri filloi në një restorant në katin e poshtëm, përpara se të përhapej në pjesë të tjera të kompleksit.

“Disa njerëz vrapuan në çati, (duke menduar) se kamboxhianët mund të kishin një vinç shpëtimi për të ndihmuar – por ata nuk kishin një të tillë,” tha ai, gjersa shtoi se kushtet e motit mund të kenë ndihmuar që zjarri të përhapet.

Shija e redaktorit

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Të fundit nga rubrika