Presidentja e Republikës së Kosovës, Vjosa Osmani, në Ditën e Veteranit ka vlerësuar sakrificën e dëshmorëve dhe veteranëve të Ushtrisë Çlirimtare të Kosovës. Ndërsa, ka shtuar se sakrifica e tyre do të shërbejë si udhërrëfyes për forcimin e shtetit dhe mbrojtjen e lirisë.
“Sakrifica e dëshmorëve dhe e veteranëve të UÇK-së do të na shërbejë si udhërrëfyes për forcimin e shtetit dhe mbrojtjen e lirisë së fituar me mund”, ka thënë Osmani.
Njashtu, Osmani ka kujtuar edhe sakrificën e komandantit legjendar Adem Jashari me familje.
“Sot kujtojmë edhe sakrificën e komandantit legjendar Adem Jashari me familje, i cili më 30 dhjetor të vitit 1991 pati betejën e parë me forcat e regjimit gjenocidal serb, duke shënuar fillet e rezistencës së armatosur dhe njëherësh paralajmërimin e lirisë sonë”, ka theksuar Osmani.
Ndër të tjera, ajo ka thënë se sot i kujtojmë me respekt të gjithë djemtë dhe vajzat e Ushtrisë Çlirimtare të Kosovës.
“Në Ditën e Veteranit të UÇK-së, kujtojmë me respekt të gjithë ata djem e vajza të Ushtrisë sonë Çlirimtare, të cilët e bën të mundshme lirinë tonë”, ka thënë Osmani, njofton Zyra e Presidencës.