Chelsea ka kompletuar nënshkrimin e mbrojtësit të Monacos, Benoit Badiashile në një marrëveshje prej 35 milionë funtesh për një kontratë shtatëvjeçare e gjysmë.
“Benoit Badiashile ka përfunduar një transferim të përhershëm te Chelsea nga AS Monaco, duke nënshkruar një kontratë shtatëvjeçare e gjysmë në Stamford Bridge”, thuhet në njoftim.
Blutë e Londrës kanë vazhduar me përforcime edhe gjatë afatit kalimtar të janarit, pas shpenzimeve të mëdha në verë.
Ekipi i drejtuar nga trajneri, Graham Potter, në transferimet e sezonit të dimrit, ka investuar në mbrojtje, duke përforcuar qendrën e mbrojtes.
Sky Sports News kishte raportuar në fund të dhjetorit se klubi i Londrës Perëndimore ishte në bisedime të avancuara për një marrëveshje me 21-vjeçarin francez dhe lojtari përfundoi kalimin e tij në Stamford Bridge të enjten.
Badiashile konsiderohet si një nga qendërmbrojtësit më të mirë të rinj më të majtë në Evropë dhe ky ka qenë një profil i lojtarit që Chelsea e ka kërkuar që nga vera.
Badiashile përfundoi testet mjekësore të hënën dhe bëhet ardhja e dytë e re e Chelseat në afatin kalimtar të janarit. Blutë gjithashtu i dhanë testet mjekësore mesfushorit 18-vjeçar të Vasco da Gama, Andrey Santos të shtunën.
Qëkur Todd Boehly mori kontrollin e Chelseat në maj 2022, klubi ka ndjekur një strategji për nënshkrimin e lojtarëve të rinj të talentuar. Wesley Fofana (21), Carney Chukwuemeka (19), Cesare Casadei (19), David Datro Fofana (20) dhe Gabriel Slonina (18) kanë nënshkruar të gjithë për klubin.