Kryetari i Aleancës për Ardhmërinë e Kosovës, Ramush Haradinaj, ka përkujtuar Nikë Hajdarajn, Zef Gjokaj dhe Çelë Ukajn, në përvjetorin e rënies së tyre.
Me anë të një postimi në Facebook, Haradinaj ka thënë se ata ishin luftëtarë të pashoq, trima e atdhetarë, të cilët para jetës së tyre, e kishin lirinë e popullit të shtypur.
Po ashtu, ai është shprehur i nderuar që i kishte kaluar sfidat e luftës bashkë me Hajdarjn, Gjokajn e Ukajn.
“Nikë Hajdaraj, Zef Gjokaj, Çelë Ukaj, luftëtarë të pashoq, trima e atdhetarë, të cilët para jetës së tyre e kishin lirinë e popullit të shtypur. Kisha nderin që me ta t’i ndajë sfidat e luftës”, ka shkruar Haradinaj.
Sipas Haradinajt, shembulli i këtyre heronjve mbetet udhërrëfyes për brezat e rinj.
“Shembulli i tyre mbetet motivues dhe udhërrëfyes për brezat e rinj, frymëzimi ynë në çdo moment të angazhimeve për një Atdhe, siç ata e ëndërruan. Lavdi e përjetshme”, shtoi ai.