Tashmë ka filluar evakuimi i disa qytetarëve në Komunën e Skenderajt pasi kishin mbetur të bllokuar si pasojë e vërshimeve.
Me mjete të renda po evakuohen disa qytetarë në rrugën që të dërgon brenda qytetit të Komunës së Skenderajt.
Ekipi i terrenit të RTV Dukagjinit kanë bërë të ditur se pesë familje kanë mbetur të bllokuara në një pjesë të qytetit, e që të njëjtat tashmë kanë filluar të evakuohen.
Gjendja në komunën e Skenderajt duket të jetë e rënduar si pasojë e reshjeve të cilat kanë shkaktuar vërshime, duke bërë që komuna të shpallë gjendjen e jashtëzakonshme dhe mësimi në këtë komunë të premten të mos mbahet.
Një vendim të tillë e ka marrë i pari i komunës, Fadil Nura pas gjendjes së rënduar.
Ndërsa, siç njoftojnë gazetarët e Dukagjinit gjimnazi ”Hamëz Jashari” dhe shkolla teknike “Anton Çeta” janë bllokuar nga uji.