Kryetari i Partisë Demokratike të Kosovës(PDK), Memli Krasniqi ka njoftuar se të premten e 20 janarit me kryetarin e Mitrovicës, Bedri Hamza, janë takuar me shumë qytetarë të prekur nga vërshimet e djeshme.
“Edhe në këtë komunë dëmet materiale janë shumë të mëdha”, ka shkruar Krasniqi.
Kreu i PDK-së ka shtuar se ringritja e infrastrukturës publike dhe kompensimi i të gjitha dëmeve që qytetarët kanë pësuar, kërkojnë reagimin urgjent të Qeverisë së Kosovës.
“Dërgimi i ekipeve emergjente për të sanuar gjendjen, mbështetja e qytetarëve me asistencë shëndetësore, pako ushqimore, strehim dhe rikuperimi i dëmeve materiale duhet të bëhet shpejtë dhe pa humbur kohë”, ka thënë tutje ai.
Mes tjerash, i pari i PDK-së ka theksuar se “më këto ditë të vështira për të gjithë Kosovën, asnjë qytetar i vendit nuk duhet të lihet i vetëm dhe pa mbështetjen e shtetit”.