Është arrestuar një 19-vjeçar, A. V, në pikën kufitare në Glloboçicë, pasditen e së shtunës.
Përmes një njoftimi, Policia e Kosovës ka njoftuar se ai kërkohej për veprën penale “Dhunimi”.
“Sot, në orën 14:00 në pikën kufitare në Glloboçicë është ndaluar e më pas nga policët e stacionit në Ferizaj është arrestuar personi i kërkuar me urdhëresë të gjykatës A.V (M/K) i moshës 19 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Dhunimi’’ me dënim burgimi prej 1 vit e 6 muaj”, thuhej në njoftim.
I njëjti është dërguar në vuajtje të dënimit.