Policia e Kosovës ka bërë të ditur se ka arrestuar dy persona për vjedhje të rënda.
Policia njofoti se rastet kanë ndodhur në periudha të ndryshme kohore, (dhjetor 2022 – janar 2023) në fshatin Mramor.
“Sot nga njësite policore të stacionit veriu në Prishtinë, janë arrestuar dy persona të dyshuar për disa vjedhje”, thuhet në njoftimin e Policisë.
Puna e hetuesve të stacionit policor veriu, është finalizuar sot, ku pas marrjes së disa veprimeve operative, kanë arritur që t’i identifikojnë dhe t’i arrestojnë personat e dyshuar.
“Rr.G. mashkull, 21 vjeç, shtetas i Republikës së Kosovës dhe F.G. mashkull, 20 vjeç, shtetas i Republikës së Kosovës”, bëhet e ditur në njoftim.
Tutje, në njoftim theksohet se personat e dyshuar me vendim prokurorit të shtetit janë dërguar në mbajtje, ku ndaj tyre është iniciuar procedurë për së paku gjashtë raste të vjedhjeve të rënda.