Të mërkurën e një shkurtit, Policia e Kosovës ka arritur të arrestojë një person për të cilin Drejtoria Rajonale e Policisë në Gjakovë më 31 janar të vitit 2023, kishte lëshuar kërkesë për bashkëpunim me qytetarët për arrestimin e tij.
Përmes një komunikate për media, thuhet se në momentin e arrestimit në posedim të tij janë gjetur dhe janë sekuestruar një shumë parash të cilat dyshohet se ai i kishte përvetësuar në kohën e kryerjes së veprës penale.
Ai dyshohet për veprën penale “vjedhje e rëndë”.
“Drejtoria Rajonale e Policisë në Gjakovë, me datën 31.01.2023 ka lëshuar kërkesë për bashkëpunim me qytetarë për arrestimin e personit Shqiprim (Tomë) Dedaj i lindur më 28.11.1984, banues në rrugën “Pashko Vasa” në Gjakovë i cili kërkohej për veprën penale “Vjedhje e rëndë”. Sektori Rajonal për Hetime, falë bashkëpunimit me qytetarë dhe media, pas publikimit të fotografisë së personit të kërkuar, ka arritur që për një kohë të shkurtër të sigurojë informacion lidhur me vendndodhjen e të kërkuarit dhe të bëjë arrestimin e tij”, thuhet në njoftim.
Me vendim të Prokurorit të Shtetit i dyshuari është ndalur në mbajtje për 48 orë.
“Në momentin e arrestimit, në posedim të tij janë gjetur dhe janë sekuestruar një shumë parash të cilat dyshohet se ai i kishte përvetësuar në kohën e kryerjes së veprës penale, për të cilën ishte lëshuar kërkesë për bashkëpunim me qytetarë. Me vendim të Prokurorit të Shtetit i dyshuari është ndalur në mbajtje për 48 orë”, vijon njoftimi.