Policia e Kosovës, të martën, ka arrestuar tre persona në Pejë, të cilët dyshohen për kryerjen e veprave penale “Kanosje” dhe “Lëndim i lehtë trupor”.
Sipas njoftimit, Policia menjëherë ka dalë në vendin e ngjarjes, ku ka takuar personat e pёrfshirё nё rrahje. Deri te incidenti ka ardhur pasi personat e dyshuar kanё shkёmbyer sms nё mes vete, tё cilёt kanё kanosur njёri-tjetrin.
Njёri nga tё dyshuarit pasi kishte lëndime trupore, menjёherё ёshtё dёrguar pёr tretman mjekёsor nё emergjencёn e Spitalit rajonal nё Pejё, ndërsa, mё pas, ёshtё sjellё nё Stacionin Policor nё Pejё pёr intervistim.
“Dy tё dyshuarit e tjerё janё arrestuar dhe janё intervistuar nga hetuesit e Stacionit Policor nё Pejё, dhe pas intervistimit me vendim tё Prokurorit tё shtetit janё dёrguar nё mbajtje pёr 48- orё, ndёrsa i dyshuari i tretё ёshtё liruar nё procedurё tё rregullt”, thuhet në njoftim.