Ish-kampioni i botës, Mesut Ozil i ka dhënë fund karrierës së tij shumëvjeçare.
Ozil është pensionuar papritmas, ai ka zhvilluar një ndeshje para disa ditësh, ndërsa nuk ka lajmëruar për pensionimin e tij.
34-vjeçari, i cili aktualisht është nën kontratë me Basaksehir, vendosi ta marrë këtë vendim pas ndeshjes së fundit me skuadrën e Stambollit.
Gazetari turk, Yakup Cinar raportoi ekskluzivisht se Ozil nuk ka ndërmend të vazhdojë karrierën e tij.
Madje do ta shkurtojë gjatë sezonit, ndërkohë që është nën kontratë me Basaksehirin .
Ozil ishte titullar ndaj Kayserispor në ndeshjen e fundit, por skuadra e tij u mund me rezultat 0:1.
Ky ishte fillimi i parë për ish-futbollistin gjerman në këtë sezon. Ai u zëvendësua në pjesën e parë dhe me sa duket vendosi se nuk mund t’i jepte më shumë futbollit dhe vendosi të tërhiqej.
Gjermani me origjinë turke nuk u paraqit më në stërvitje pas ndeshjes dhe thuhet se i njoftoi shokët e skuadrës dhe drejtuesit e klubit se ai nuk do të kthehej në futboll.
Ai kërkoi ndërprerjen e kontratës së tij deri në qershor 2023, për t’i dhënë fund karrierës.
Ish-kampioni i botës me Gjermaninë pati një karrierë të shkëlqyer.
Ai luajti për Real Madrid, Arsenal, Fenerbahce, Schalke dhe Werder, ndërsa për kombëtaren gjermane luajti 92 ndeshje dhe shënoi 23 gola.