Klubi i futbollit, Trepça ka njoftuar se pas ndeshjes kundër klubit Feronikel ka paraqitur ankesë në Komisionit të Garave të FFK-së.
“Klubi Futbollistik Trepça’89 njofton se ka paraqitur ankesën drejtuar Komisionit të Garave të FFK-së, rreth ndeshjes së zhvilluar në kuadër të Kupës së Kosovës regjistruar si 1/8 e finalës mes KF Feronikeli 74 – KF Trepça’89”, kështu ka njoftuar klubi nëpërmjet rrjetit social Facebook.
Sipas njoftimit, në dokumentin e dërguar është paraqitur ankesa e dërguar me provat dhe nenet e bazuara në rregulloren e Federatës së Futbollit të Kosovës.
Ne afatin e parapare sipas Rregullores se Garave te FFK-se, nenit 62 paragrafi 1, klubi Trepça nga Mitrovica, kërkon nga Komisioni i Garave të mos e regjistrojë ndeshjen e zhvilluar për Kupën e Kosovës, e mbajtur të shtunën mes klubit Feronikeli 74 dhe Trepça’ 89 ne Drenas.
Pasi sipas tyre, ka dyshime të bazuara se në protokollin zyrtarë të prezantuar nga klubi Feronikeli, janë aktivizuar lojtarë që nuk janë të regjistruar konform rregullores për regjistrimin, statusin dhe transferimin e lojtarëve.
Feronikeli 74 ka arritur ta mposht Trepçën ’89 në 1/8 e Kupës së Kosovës me rezultat 1-0. Por, rezultati i arritur në fushë mund të mos vlejë për skuadrën nga Drenasi, nëse merret parasysh ankesa drejtuar FFK-së nga ana e Trepçës ’89,