Kryeministri i Kosovës, Albin Kurti ka thënë se 10 komunat e Kosovës me shumicë serbe kanë marrë mesatarisht 62 për qind më shumë buxhet për kokë banori, si dhe 89 për qind më shumë në shpenzime kapitale për kokë banori, sesa 28 komunat e tjera, prej të cilave 27 janë me shumicë shqiptare.
Përmes një postimi në Twitter, shefi i ekzekutivit ka thënë se kjo tregohet me të dhënat e Departamentit të Buxhetit të Ministrisë së Financave të Kosovës, në 14 vjetët e fundit.
“Për sa i përket shfrytëzimit të buxhetit, 6 komunat me shumicë serbe në jug të Kosovës, të cilat janë të integruara relativisht mirë, kanë performuar vazhdimisht më mirë sesa 4 komunat në veri. Politikanë dhe udhëheqës komunalë serbë në 6 komunat jugore ishin të gatshëm dhe të aftë për të planifikuar, siguruar dhe zbatuar më shumë për sa i përket arsimit, shëndetësisë dhe infrastrukturës së transportit për qytetarët e vet sesa 4 komunat në veri”, ka shkruar Kurti.
Ai ka thënë se komuniteti ndërkombëtar duhet të mbajë Qeverinë e Serbisë përgjegjëse që i ka privuar 4 komunat veriore nga zhvillimi i duhur.
“Detyrimi me forcë i qytetarëve lokalë nga ana e saj, përmes një grusht kriminelësh të udhëhequr nga para, lëndë narkotike dhe trafikues armësh, duhet të dënohet publikisht”, ka vijuar Kurti.
The int’l community should hold Serbia's Govt accountable for depriving these 4 northern municip. of proper dev. Its coercion of local citizens via a handful of criminals, led by US Treasury-blacklisted money, narcotics, and weapons traffickers, should be publicly condemned.
— Albin Kurti (@albinkurti) February 7, 2023