Policia e Kosovës, përmes raportit 24 orësh, ka njoftuar se një grua ka raportuar se është sulmuar seksualisht nga një person i gjinisë mashkullore si dhe është shantazhuar nga ai në Drenas, përkatësisht në Komoran.
Në njoftimin e policisë thuhet rasti në konsultim me prokurorin është hapur si “Sulm seksual”, ndërsa palët janë intervistuar dhe me vendim të prokurorit janë liruar në procedurë të rregullt.
Rasti në fjalë dyshohet të ketë ndodhur më 13 shkurt.
“Komoran 13.02.2023 – NN. Me 14.02.2023 ankuesja femër kosovare ka raportuar se i dyshuari mashkull kosovar është duke e ngacmuar seksualisht si dhe duke e shantazhuar atë. Lidhur me rastin palët janë intervistuar dhe me vendim të prokurorit janë liruar në procedurë të rregullt”.