Nicola Sturgeon do të japë dorëheqjën si ministrja e parë e Skocisë pas më shumë se tetë vitesh në këtë rol.
Kreu i Partisë Kombëtare Skoceze pritet të bëjë njoftimin në një konferencë shtypi të organizuar në Edinburg.
Ndërsa, për këtë vendim ish-deputeti i SNP-së, Stephen Gethins ka thënë se është “i befasuar dhe i zhgënjyer” nga lajmi.
“Nicola është dikush që ka udhëhequr me dallim”, u shpreh ai, shkruan BBC.
Në anën tjetër, Alison Thewliss, deputetja e SNP-së për Glasgow Central, tha se ajo ishte “absolutisht e mërzitur” dhe e përshkroi zonjën Sturgeon si “një udhëheqëse të pabesueshme”.
Ndryshe, Zonja Sturgeon ka qenë anëtare e Parlamentit Skocez që nga viti 1999 dhe u bë nënkryetare e SNP-së në vitin 2004.