Gabriela Hearst zbuloi koleksionin e ri vjeshtë/dimër 2023, në ditën e katërt të Javës së Modës në Nju Jork, në një restorant gjigand, në zemër të Bruklin.
Modelet prezantuan me hijeshi koleksionin e stilistes me origjinë nga Uruguaji, por që jetën dhe biznesin e saj e ka ngritur mbi pasionin që ka për modën, me veshje për femra e meshkuj, me shumë të përbashkëta mes tyre.
Dhe Gabriela solli një koleksion që ajo vetë e quan të pakohë.
Me veshje me qepje minimaliste, bluze Kashmiri të plota, për femra e meshkuj, pa ndasi, në bashkëpunim edhe me shtëpinë britanike të prodhimit të këpucëve, Tricker’s. Kombinimet në çdo veshje, ishin sipas saj, perfekte.
Ngjyrat ishin po ashtu miqësore, e këtu stilistja i referohet stilit në përshtatje me natyrën. Një e artë e lehtë diku, përzier me të zezën që gjendet kudo, e kuqja e flaktë apo e bardha e leshtë.
Edhe ngjyrat palete erdhën të qeta e butë, në një miksim të kombinimeve, nga e bardha kafja dhe e zeza, tek e verdha, roza dhe e kuqja.
Në këtë video mund të shihni koleksionin Gabriela Hearst FW23 të prezantuar në Javën e Modës në Nju Jork.