Ish-kryeministri i Kosovës, Avdullah Hoti, ka reaguar për rritjen çmimeve që kanë prekur sektorin e bujqësisë në Kosovë. Sipas tij, çmimet janë rritur për 21 për qind, por nëse fermerët nuk subvencionohen nga Ministria e Bujqësisë, do të ketë më pak ara të punuara dhe më pak ferma.
“Çmimet për farëra, plehra, pesticide dhe ushqim të kafshëve janë rritur mesatarisht me 21%”.
“Nëse nuk rriten subvencionet, kjo çon në më pak ara të punuara e më pak ferma”.
Sipas tij, subvencionet duhet të rriten urgjentisht nga Ministria e Bujqësisë.
“Ministria e Bujqësisë urgjentisht të rrisë subvencionet: për hektar të kulturave bujqësore, për krerë të bagëtive dhe për litër qumështi”, ka përfunduar deputeti nga Lidhja Demokratike Kosovës.