Policia e Kosovës ka bërë të ditur se të premten është arrestuar në Gjilan një person, i cili kërkohej me urdhërarrest ndërkombëtar nga Interpol, të lëshuar nga Shqipëria.
PK njofton se njësia FAST-ILECU ka arritur të arrestojë shtetasin nigerian të kërkuar, pasi i njëjti dyshohet për veprën penale “Dhunë në familje”.
Më pas, ai është dërguar në mbajtje.
“Bazuar në një urdhërarrest ndërkombëtar nga Interpol të lëshuar nga Shqipëria, njësia FAST-ILECU ka arrestuar një mashkull shtetas nigerian të dyshuar për veprën penale ‘dhunë në familje’. I dyshuari me vendim të prokurorit është dërguar në mbajtje”, thuhet në raportin 24-orësh të Policisë së Kosovës.