Presidenti i Francës, Emmanuel Macron fillon turneun e tij në Afrikën Qendrore, për të krijuar një marrëdhënie të re të përgjegjshme diplomatike.
Ai do të ndalet në Gabon për një samit ambiental, para se të shkojë në Angola dhe në Republikën e Kongos e në fund në Republikën Demokratike të Kongos, shkruan AFP.
Udhëtimi i Macron në kohën kur alarmi rritet në Paris mbi ndikimin në rritje të Rusisë në vendet afrikane që flasin frëngjisht, së bashku me përpjekjet kineze për pozicionin, i cili ka qenë i dukshëm për disa vjet.
Në Gabon, ai do të marrë pjesë në Samitin e “One Forest” për ruajtjen e pyjeve në mbarë botën, duke përfshirë pellgun e gjerë të lumit Kongo.
Duke mbuluar 1.62 milion kilometra katrorë, pyjet e Afrikës Qendrore përfaqësojnë rezervuarin e dytë më të madh të karbonit në planet pas Amazonës.
Ata janë gjithashtu shtëpia e një biodiversiteti të madh, duke përfshirë elefantët dhe gorillat pyjore dhe mbajnë gjurmë të vendbanimit të njerëzimit të hershëm.
Por ata përballen me kërcënime të tilla si gjuetia pa leje, shpyllëzimi për industritë e vajit të palmës dhe gomës, si dhe prerjet e paligjshme dhe shfrytëzimi i mineraleve.