Barcelona ka mposhtur rivalin e tij më të madh Real Madrid në ndeshjen e parë gjysmëfinale të Copa del Rey.
Ndeshja ka përfunduar me rezultat 1:0 për katalanasit.
Autogoli i shënuar nga Eder Militao e kishte kaluar në epërsi skuadrën e Barcelonës në derbin ndaj Real Madridit që ishte zhvilluar në “Santiago Bernabeu”.
Militao kishte shënuar gabimisht në portën e vet në minutën e 27-të. Dhe goli u pranua vetëm pas rishikimit të sistemit VAR.
Barça do të jetë në finalen e Kupës së Mbretit 2023 nëse nuk humbet në shtëpi brenda pak më shumë se një muaji.
Barcelona jo vetëm që është në krye të La Liga Santander, por tani edhe me një epërsi pas ndeshjes së parë të gjysmëfinales.
Të dyja klubet do të takohen në La Liga Santander në Camp Nou më 19 mars, përpara se të përballen në të njëjtën skenë për ndeshjen e dytë të kësaj gjysmëfinale më 5 prill.
Ousmane Dembele dhe mesfushori i ri spanjoll i Barçës, Pedri janë të lënduar dhe nuk kanë qenë pjesë e ndeshjes. Ylli polak Robert Lewandowski gjithashtu ishte në ndeshje pasi nuk arrti të rikuperohet nga një dëmtim i kofshës përpara ndeshjes Real Madrid – Barcelona.
Trajneri i Real Madrid, Carlo Ancelotti nuk ishte në gjendje të thërriste David Alaba, Ferland Mendy dhe Rodrygo për shkak të problemeve muskulore.
Në finalen e Superkupës 2022-2023 në janar, Barcelona mposhti Real Madridin 3-1, falë golave të Gavi, Robert Lewandowski dhe Pedri.