Kryeministri i Shqipërisë, Edi Rama ka uruar të gjitha gratë me rastin e 8 Marsit, Ditës Ndërkombëtare të Gruas.
Në nder të kësaj dite, i pari i Qeverisë së Shqipërisë ka një risi për gratë.
Rama ka thënë se në vijim nënave të papuna me tre e më shumë fëmijë, sigurimet shoqërore e shëndetësore do t’u paguhen nga shteti.
“Gëzuar “8 Marsin” me risinë që këtë vit e në vijim nënave të papuna me tre e më shumë fëmijë, sigurimet shoqërore e shëndetësore u paguhen nga shteti pas Këshillimit Kombëtar, ku shumica dhanë pëlqimin e tyre për këtë risi”, ka shkruar Rama në Facebook.
Ndryshe, sot shënohet 8 Marsi – Dita Ndërkombëtare e Gruas, e njohur edhe si Dita e Nënës, ku për nder të kësaj dite, në Kosovë do të ketë aktivitete të shumta.
Kosova të drejtën e gruas e ka të garantuar me ligj, ku në shumë institucione shtetërore pjesëmarrja e gruas është e përcaktuar me ligje.