Policia e Kosovës, njoftoi se ka konfiskuar 1704 euro monedha metalike të dy eurove, dhe se për këtë janë arrestuar dy persona të dyshuar.
Në lidhje me këtë cështje, ka reaguar edhe ministri i Punëve të Brendshme, Xhelal Sveçla, i cili qarkullimin e monedhave të falsifikuara e ka quajtur si “fakt tejet shqetësues”.
“Dukuria e prodhimit dhe futjes në qarkullim të monedhave të falsifikuara vazhdon të mbetet fakt tejet shqetësues përveç që një akt i tillë është edhe vepër penale. Policia e Kosovës dhe akterët tjerë të sigurisë janë të angazhuar maksimalisht në lokalizimin dhe sjelljen para drejtësisë të të gjithë atyre që janë të përfshirë në këtë aktivitet ilegal”, ka thënë ai.
Tutje ai ka thënë se institucionet e Kosovës, do të vazhdojnë angazhimin dhe bashkëpunimin me akterët e sigurisë për reagim ndaj çdo veprimtarie që prekë dhe dëmton mirëqenien dhe sigurinë e qytetarëve.