I nënshtrohet operimit njëri nga të plagosurit në Mramor

Njëri nga të plagosurit në Mramor të Prishtinës, i është nënshtruar operacionit, teksa gjendja e të dy të lënduarve raportohet të jetë stabile

QKUK

Pas raportimit se të dielën e një majit, dy persona kanë mbetur të plagosur nga një armë zjarri në Mramor të Prishtinës, njëri nga ta, tashmë i është nënshtruar një operacioni.

Këtë për RTV Dukagjini, e ka bërë të ditur mjeku kujdestar, Sami Bajqinca.

“Njërin nga të plagosurit tashmë e kanë dërguar në sallë, për t’iu nënshtruar një operacioni”, ka thënë ai.

Ndërkohë, Bajqinca bëri të ditur se gjendja e të dy të plagosurve është stabile.

“Gjendja e të dy të lënduarve është stabile”, shtoi ai.

Ndryshe, të dielën, është raportuar për një plagosje me armë zjarri të ndodhur në lagjen Suteskë të fshatit Mramor të Komunës së Prishtinës.

Kjo për RTV Dukagjinin është konfirmuar nga zëdhënësi i policisë për rajonin e Prishtinës, Agron Borovci.

Sipas tij, të plagosurit janë dërguar për trajtim në Qendrën Klinike Universitare të Kosovës.

“Policia ka dalë në vendin e ngjarjes, dhe mbështetur në të dhënat e para, janë ngritur dyshimet se dy persona kanë marrë plagë nga arma zjarrit. Të njëjtit janë dërguar në QKUK për të marrë trajtimin e nevojshëm mjekësor”, shtoi ai.

Po ashtu, Borovci ka theksuar se aktualisht hetuesit policorë kanë nisur një hetim për sqarimin e të gjitha rrethanave që e karakterizojnë rastin.

Plagosen dy persona në Mramor të Prishtinës

Shija e redaktorit

Presidentja Osmani dekreton harmonizimin e listës së organizatave terroriste me...

Presidentja e Republikës së Kosovës, Vjosa Osmani, ka dekretuar sot harmonizimin e listës së organizatave të huaja terroriste me urdhrat ekzekutivë të presidentit amerikan,...

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

Të fundit nga rubrika