Mëngjesin e së hënës, kryeministri i Kosovës, Albin Kurti, ka vizituar Bashkësinë Islame të Kosovës me rastin e festës së Fitër Bajramit. Ai është pritur nga myftiu, Naim Tërnava.
Kurti ka thënë se është kënaqësi që të takoj myftiun Tërnava dy vite pas përballjes me pandeminë COVID-19.
“Urime Fitër Bajrami të gjithë besimtarëve. Ishte kënaqësi të takohem me myftiun pas dy vjetëve për shkak të pandemisë që na u bë e pamundur vizita në festat e mëparshme. Me lutjet më të mira që të pranohet agjërimi, uroj që të ketë paqe, gëzim e lumturi për të gjithë njerëzit”, ka thënë Kurti.
Ai ka falenderuar BIK-un dhe Tërnavën për kontributin e dhënë për pavarësinë dhe shtetndërtimin e Kosovës.
“E falënderoj BIK-un myftiun Tërnava për kontributin dhe rolin që kanë pasur për shoqërinë, shtetin e kombin, edhe pavarësinë dhe zhvillimin e shtetndërtimit të Kosovës”, ka thënë Kurti.
Ndryshe të dielën, Kurti së bashku me Kryetarin e Kuvendit, Glauk Konjufca kanë pritur në iftar kryetarin e Bashkësisë Islame të Kosovës, Naim Tërnava dhe bashkëpunëtorët e tij.
Kurti e Konjufca shtruan iftar për kryetarin e Bashkësisë Islame, Naim Tërnavën
Më herët këtë mëngjes, Kurti kishte shprehur urimet e tij përmes një postimi në Facebook.
