Presidenti i Ukrainës, Volodymyr Zelensky, të mërkurën ka vizituar vijën e frontit pranë Bakhmut ku vazhdojnë luftimet e ashpra.
Ky qytet është bërë një pikë qendrore e luftës, me Rusinë që përpiqet ta pushtojë atë për muaj të tërë, shkruan BBC.
Ministria e Mbrojtjes e Mbretërisë së Bashkuar ka thënë se forcat ukrainase së fundmi nisën një kundërsulm në perëndim të qytetit.
Vizita e Zelensky-t vjen pasi forcat ruse sulmuan qytetet ukrainase gjatë natës, duke vrarë të paktën katër persona në një sulm me dron pranë kryeqytetit.
“Presidenti ukrainas falënderoi trupat përreth Bakhmut për mbrojtjen e qytetit dhe vendit” thuhet në njoftim.
“Jam i nderuar që jam sot këtu”, u ka thënë presidenti ukrainas ushtarakëve të tij, teksa ka shtuar “në lindje të vendit tonë, në Donbas, dhe t’i shpërblej heronjtë tanë, t’ju falënderoj, t’ju shtrëngoj duart”.