Kuqezinjtë sot nisin kampanjën në kualifikueset e “Euro2024” në Poloni me fillim nga ora 20:45. Ndeshja pritet të luhet në stadiumin “PGE Narodowy” në kryeqytetin polak.
Vendasit në këtë ndeshje hyjnë pas humbjes që ua kishte shkaktuar kombëtarja çeke tri ditë më parë me rezultat 3-1.
Për Shqipërinë në këtë sfidë pritet të debutoj edhe trajneri i ri brazilian Silvinjo i cili erdhi me shumë bujë tek kombëtarja.
Kjo ndeshje vlen për kualifikimet e kampionatit evropian “Euro2024” që do të mbahet në Gjermani. Këto dy kombëtare gjenden në grupin E, së bashku më Republikën Çeke, Ishujt Faroe dhe Moldavinë.
Drejtësinë në ketë sfidë do ta ndajë slloveni Slavko Vincic, me ndihmësit e tij Tomaz Klancnik e Andraz Kovacic.
Shqipëria dhe Polonia ishin ndeshur edhe në kualifikimet e kaluara të botërorit “Qatar 2022” ku fitues kanë dal polakët në të dyja ndeshjet.